Avani Modi

કેરિ ઓન કેસર

Film: Carry on Kesar/કેરિ ઓન કેસર.
Directed by Vipul Mehta
Cast: Supriya Pathak, Darshan Jariwala, Avani Modi, Rittesh Mobh

ફિલમની શરુઆત પ્પ્પ્પ… પેરિસથી થાય છે, ને પછી વાયા અમદાવાદ, ડાયરેક જામખંભાળીયા. એક જવાન NRI છોકરી ડિઝાઇન શીખવાના નામે પટેલ-પટલાણીના ધેર પધારે. શ્યામજી પટેલ આમ મુછાળા મરદ, ઇસ્ત્રી કરેલા જભ્ભા નીચે ધોળું ધોતિયુ પે’રે ને માથે મજાની પાધડી, પણ પટલાણીનો અવાજ હાંભળે એટલે બધુજ પત્યુ! પટલાણી કેસરબેન એક સમયના એક નહી પણ બબ્બે વાર નેશનલ એવોર્ડ જીતેલા ડિઝાઇનર. પેરિસમાં ડિઝાઇનરનું કામ કરતી છોકરીને આ પટલાણીની ડિઝાઇનમાં રસ, અને એથીય વધુ રસ પટલાણીમાં.

આ જવાન છોડી, આવી’તી પટલાણીની પાહેં ડિઝાઇનું શીખવા, પણ પછી પાચ દાયકા જીવી ચુકેલા આ પટેલ જોડાને ટેસ્ટટ્યુબ બેબીના રવાડે ચડાવી દેધા. લંડનમાં આઇ.વી.એફ ભણેલો ગાયનેક ડોક્ટર(ઓલો ઇન્ટેલિજન્ટ ડોબો !) બાપાને હાથપગ જોડી દેશમાં રે’વા-કામ કરવા આવ્યયો હોય, એની પાહેં સારવાર કરાવે. આમ આ બે જવાન જોડકા ને બે એનાથી બે ગણી ઉમરના જોડાની કહાની ચાલુ થાય.

ફિલમ પેટ પકડીને હસાવેય છે, થોડી વારે ઇમોશનલ પણ કરી દે, પણ એ ઇમોશનલ સીન પાછુ થોડી વારમાં રમુજી થઇ જાય. ફિલમમાં બે મજાના રમુજી પાત્રો છે, જેણે ફિલમમાં બગાસા આવવા નથી દિધા. એક જિગલો ને બીજા માવો ચોળતા ઓધાકાકા, આખી ફિલમના દરેક સિનમાં ઓધાકાકાએ માવો ચોળ્યો! અને જિગલાની તો વાત ન થાય.

સચિન-જિગરના સંગીત વિશે કંઇ કે’વાનું જ ન હોય, પણ બેક્ગ્રાઉન્ડમાં અલ્કાબેન ને ઓસમાનભાઇના અવાજ હારે પેલી નાની તનિક્ષાને હાંભળવાની મજા આવી.

પટેલના ડાયલોગ તો બાકી કવિતા હોય જાણે એમ આરપાર વહી જાય. આમ ફિલમ પટેલ-પટલાણીની આઇ.વી.એફ સારવાર આજુબાજુ વિંટળાયેલી છે, એ પણ સે’જેય ગુંચવાયા વગર.

આપણને ફિલમુંમા ઝાઝી હુજ ન પડે, પણ એટલી ખબર પડે કે થિયેટરમાં બેઠેલા હંધાય પેટ પકડીને કારણ વગર ન હસતા હોય. તો ભાયુને બુનું, ક્રિટીક્સ આને ખરાબ રેટીંગ આપેને તોય કુટુબ કબિલા હારે જોવા પોગી જવાય હો…

Advertisements